職前檢查二
有D職前檢查Form要填肺片結果。有D出面照左，嗱住個Report俾我填。
有次有個少女嗱住一份剪開左但係自己用膠紙貼番埋嘅Report過黎。佢原來懶醒咁自己剪左Result個Part出黎。人地份Report喺一張過，上面係你姓名/HKID/日期等等，下面寫Result：Normal。你剪開左我點知下面個Normal係咪你偷龍轉鳳改Report。雖然我知冇人咁無聊，但係我唔會收貨。銀紙剪開左用膠紙次返都唔俾用啦。
Any肥，姑娘叫佢去照X光嗰度，Print番個Report再帶過黎。佢即場問九千幾次點做點樣問人地。離開左又打番黎問十九幾次，係唔係攞番個Report我地就一定承應寫到職前檢查份報告俾佢？佢話唔想再白行一趟。
喂，我冇叫你咁叻剪爛個Report㗎喎。你好地地攞份正常Report黎咪唔洗行兩次囉。佢無限Loop我地，我哋又無限Loop番佢。終於講到姑娘發火，佢竟然問番我地究竟明唔明佢講咩？姑娘O曬嘴。請你個位老闆我真係祝你好運！真係人都癲！
Search